عملتوا لنفسكم قيمة بشوية فلوس.. وائل غنيم: مصريو الجزيرة خونة

هاجم الناشط السياسي وائل غنيم، المصريين العاملين في قناة الجزيرة القطرية، واصفًا أي مصري يعمل في القناة بـ"الخائن لوطنه". وأوضح "غنيم"، في مقطع فيديو نشره على صفحته على موقع التواصل الاجتماعي "فيس بوك": "مفيهاش أي تفكير، بلد في أزمة دبلوماسية مع بلدك وبتحرض في تحالف مع دولة تانية دلوقتي بينها وبين جيشك نزاع، وأنت قاعد في البلد دي عشان تشتم بلدك، وزين العابدين توفيق طلع معاه محمد علي المهرج وهو ممثل فاشل دعواته فاشلة، زين ده بيحقد على الجيش، افتح بقك عن جيش قطر شوية، عملتوا لنفسكم قيمة بشوية الفلوس". وحول التحريض القطري ضد مصر، كشف وائل غنيم، الذي كان مقربًا في وقت من الأوقات من شباب 25 يناير، عن أن إمارة قطر تدفع مليارات الجنيهات من أجل التحريض ضد مصر وتهديد استقرار الدولة. وتعجب من اليوتيوبر الإخواني عبدالله الشريف، قائلًا: "أنا مستغرب أن فى واحد زى عبدالله الشريف كان بسيط ومبيض محارة، دلوقتى بيركب السيارات الفارهة، من تحريضه ومن فلوس قطر اللى بتموله، عشان كده بيحرض وبيشتم فى مصر، من يسمع لهؤلاء هو من مجموعة من القطيع والسذج". ووصف الإخوان بأنهم "مجموعة معاطيب"، مضيفًا: "وبيقبضوا فلوس من تركيا وقطر علشان يروجوا الأكاذيب والادعاءات التي تبث للمواطنين لشحنهم ضد الدولة المصرية، ويحرضون على الدول العربية لتهديد استقرارها وامنها، وأنا حزين على الشباب اللى بيسمع بكلام هؤلاء أو يصدقوا فيما يبثونه من أكاذيب وادعاءات ضد الدولة المصرية"، على حد ذكر وائل غنيم.