تفاصيل أحداث المنصة.. مرتضى منصور سب رئيس الحكومة وطرد وزير الشباب

كشف الصحفي الرياضي البارز احمد مصطفى، تفاصيل طرد المستشار مرتضى منصور، عضو البرلمان ورئيس مجلس النواب، للدكتور أشرف صبحي وزير الشباب والرياضة من داخل نادي الزمالك فضلاً عن تعديه بالالفاظ علي رئيس مجلس الوزراء، في حديثه بمنصة الإحتفال بافتتاح منشآت جديدة بالنادي. وقال "مصطفى"، في منشور له علي حسابه علي مواقع التواصل الاجتماعي"فيس بوك"، إن مرتضى منصور قال خلال افتتاح المنشآت الجديدة بالنادي موجهاً حديثه لرئيس الوزراء" احنا بعتنالك دعوة ومجتش واللي مش هيحترمنا مش هنحترمه وانت فاكر نفسك مين يااستاذ مصطفي مدبولي لا فهمني كدا انت كنت لاعب يد في الزمالك وكنت بتيجي المكتب تقبض مرتبك مني، انت مين انا جالي هنا ابراهيم محلب العظيم المحترم، محدش في الدوله يكلمني يقولي انت بتكلمه كدا ليه، ده واحد اجبرنا نلعب دوري الموت والكورونا بالارهاب". واضاف الصحفي الرياضي، إن مرتضي منصور أكمل حديثه قائلاً"مدبولي كان عايزني اتغلب من الاهلي زي ما غلبته في ابوظبي، بس غلبت له الاهلي تاني عمل ايه بقي تاني يوم قام لغي المسحه لغيت المسحه ليه دي الكورونا بتزيد ومش بتقل". وأشار مصطفى، إن أثناء توجيه حديث منصور لرئيس الوزراء، كان وزير الشباب والرياضة لم يغادر النادي، وحاول الوزير تهدئة رئيس نادي الزمالك، إلا أن منصور رد عليه قائلا"راجع ليه أمشي احنا قلنالك خلاص امشي واحنا زعلانين" [playlist type="video" ids="5542,5539"]