كلام جرئ.. النائب محمد الغني يكشف من يقف وراء "المحفزات المالية" في الانتخابات

أكد النائب محمد عبدالغني عضو مجلس النواب عن محافظة القاهرة، علي أن "ما ظهر من نتائج عن المرحلة الأولى والحسم اللي كان في دواير كتيرة واللي قام به كتير من رجال الأعمال في دوائرهم بيؤكد على ما نبهنا عليه مراراً وتكراراً بإن هناك دوراً مشبوهاً بيلعبه المال في العملية الانتخابية". وأوضح عبدالغني في منشور له علي موقع التواصل الاجتماعي "فيس بوك"، قائلاً:"الدور ده كان بيتلعب في الانتخابات كلها اللي فاتت على مصر عن طريق كراتين السكر والزيت ايام الاخوان و كنا بنرفضه وبنرفض طريقتهم". وتابع حديثه:"الدور ده كان بيتلعب زمان بشكل متداري ومن تحت لتحت دلوقتي اللعب ع المكشوف، اللي معاه وبيصرف عيني عينك و بيشتري اصوات و يجمع بطايق هو اللي هاينجح دون أي اعتبار للدور الرقابي الذي يجب ان تقوم به الهيئة  العليا للانتخابات، مجلس النواب  ما بقاش معركة سياسية .. بل معركة مال وشراء اصوات ، وكلنا عارفين مين اللي في البلد دي يقدر يشتري اصوات و ليه". وشدد علي أن المعركة الانتخابية صعبة في محافظات المرحلة الثانية، قائلا:"وعلشان كده معركتنا صعبة بس احنا لسه واثقين في الله وفي وعيكم و دعمكم لينا ووقفتكم معانا .. بأصوات أهل الزيتون و الاميرية المحترمين  هاننجح .. من غير رشاوي انتخابية هاننجح .. و بتعب وجهد الناس المحترمة اللي متعرفناش و بتدعي الناس لانتخابنا هاننجح و بعد ده كله بما حاولنا الاجتهاد فيه وما حققناه  مع أهلنا  .. هاننجح". [caption id="attachment_14683" align="aligncenter" width="720"] منشور للنائب محمد عبدالغني[/caption]